ބިލެތްފަހި ކައުންސިލް

މެނޫ

ލޯޑުވަނީ...

ޖުމްލަ އާބާދީ

1,000

ރަށުގެ ބޮޑުމިން

87.5 Hec

ގޭބިސީ

225

ވިޔަފާރި

42

ރަށުގެ ތަޢާރަފް

ށ. ބިލެއްފަހި: ތާރީޚާއި، ގުދުރަތީ ރީތިކަމާއި، އެއްބައިވަންތަކަމުގެ ނަމޫނާ

ތަޢާރަފް

މިލަދުންމަޑުލު އުތުރުބުރީ (ށ. އަތޮޅު) ގެ އިރުމަތީ ބިތުގައި އޮންނަ ބިލެތްފައްސަކީ ފާހަގަކޮށްލެވޭ މުއްސަނދި ތާރީޚެއްގެ އިތުރުން، އާދަޔާޚިލާފު ހިތްގައިމު ގުދުރަތީ ރީތިކަމެއް ލިބިފައިވާ، ހަލުވިކަމާއެކު ތަރައްގީވަމުންދާ ރަށެކެވެ. މަސައްކަތްތެރި، އެކުވެރި އަދި މެހެމާންދާރީއަށް ލޯބިކުރާ ރައްޔިތަކު ދިރިއުޅެމުންދާ މި ރަށަކީ އަތޮޅުގެ މުހިންމު އިޤްތިސާދީ އަދި އިޖުތިމާއީ މަރުކަޒެކެވެ.

ޖިއޮގްރަފީ އަދި ގުދުރަތީ ސިފަތައް

ށ.ބިލެތްފައްސަކީ ރާއްޖޭގެ އުތުރުން މިލަދުންމަޑުލު އުތުރުބުރީގައި އޮންނަ، ޖިއޮގްރަފިކަލް ކޯއޯޑިނޭޓްސް N 72°58'32" ,E"20′20°06″ ގައި އޮންނަ، ގުދުރަތީގޮތުން ފާހަގަކޮށްލެވޭ ބޮޑު އަދި ދިގު ރަށެކެވެ. ރާއްޖޭގެ ވެރިރަށް މާލެއާއި ގާތްގަނޑަކަށް 246 ކިލޯމީޓަރު އުތުރުގައި އޮންނަ މިރަށުގެ ދިގުމިނުގައި 1.92 ކިލޯމީޓަރު އަދި ފުޅާމިނުގައި 0.63 ކިލޯމީޓަރު ހުރެއެވެ. ބިލެތްފަހީގެ ވަށައިގެން އޮންނަ ފުޅާ، ސާފު ނޫކުލައިގެ ފަޅަކީ ރަށުގެ ގޮނޑުދޮށްތައް ހިމާޔަތްކޮށްދޭ ގުދުރަތީ އައްޑަނައަކަށް ވާއިރު، ރަށާ އެންމެ ގާތުން އޮންނަ ހައުސް ރީފަކީ، ތަފާތު ކުލަކުލައިގެ މަސްމަހާމެއްސާއި، މޫދުގެ އެކިތަފާތު ދިރުންތަކުން ފަރުގެންވާ، އަޖައިބު ކުރަނަވި މަންޒަރުތަކުން މުއްސަނދިކަން ގެނެސްދޭ ރީތި މާހައުލެކެވެ. ރަށުގެ އެތެރޭގެ ބިމަކީ ދިވެހި ރުއްތަކާއި ދިއްގާ ފަދަ ގަސްތަކުން ފެހިކަން ގަދަ، ދަނޑުވެރިކަމާއި ވަޑާންކުރުމަށް އެކަށީގެންވާ ފަސްގަނޑެއް ލިބިފައިވާ ތަނެކެވެ. މި ހިތްގައިމު ސިފަތަކުގެ ސަބަބުން، ހަލަބޮލިކަމެއް ނެތް އަމާން މާހައުލެއްގައި ގުދުރަތީ ރީތިކަން ތަޖުރިބާކޮށްލަން ބޭނުންވާ ފަރާތްތަކަށް މިއީ ވަރަށް ފުރިހަމަ މަންޒިލެކެވެ.

އިގްތިސާދާއި އާމްދަނީ ބިލެެތްފަހީގެ އިޤްތިސާދު މައިގަނޑު ގޮތެއްގައި ބިނާވެގެންވަނީ އަންނަނިވި ދާއިރާތަކުގެ މައްޗަށެވެ: • ކިއްސަރު ވަޑާން: ބިލެތްފައްސަކީ ޒަމާނުއްސުރެ ފާހަގަކޮށްލެވޭ ކަމަށް ގާބިލު ކުޅަދާނަ ވަޑިންތަކެއް އުޅޭ ރަށެކެވެ. ފުޅާދާއިރާއެއްގައި އޮޑިދޯނިފަހަރު ބަނުމާއި މަރާމާތުކުރުމުގެ މަސައްކަތް ކުރެއެވެ. ބޮޑެތި މުދާ އުފުލާ ދޯނިފަހަރާއި ސަފާރީތައް ބަނދެ، މަރާމާތު ކުރުމަށް ގާބިލު ވަޑިން މި ރަށުގައި އުޅެއެވެ. • ފަތުރުވެރިކަން: ރަށާ ކައިރީގައި ހުރި ރިސޯޓުތަކުގެ ސަބަބުންނާއި، ރަށުގައި ފުޅާވަމުންދާ ލޯކަލް ޓޫރިޒަމް (ގެސްޓްހައުސް ވިޔަފާރި) ގެ ސަބަބުން ގިނަ ޒުވާނުންތަކެއް ދަނީ މި ދާއިރާއިން އާމްދަނީ ހޯދަމުންނެވެ. އަދި ރަށުގެ ރީކަމާއި ފެހިކަމުގެ ސަބަބުން ރަށައްޒިޔާރަތްކުރާ ހަމަކޮންމެ ފަރާތެއްވެސް ރަށުންފުރަނީ ރީތިކަމަށް ތައުރީފްކޮށް 2 ވަނަ ޒިޔާރަތެއް ކުރުމުގެ އުންމީދު އައުކުރަމުންނެވެ . • ވިޔަފާރިއާއި އަމިއްލަ މަސައްކަތް: ބިލެތްފައްސަކީ އަތޮޅުގެ ނިސްބަތުން ފާހަގަކޮށްލެވޭ ވިޔަފާރީގެ މަރުކަޒެކެވެ . ފިހާރަތަކާއި، ކެފޭ/ރެސްޓޯރަންޓުތަކުގެ އިތުރުން އުމްރާނީ މަސައްކަތްތަކުގައި ރަށުގެ ގިނަ ބަޔަކު ހަރަކާތްތެރިވެއެވެ. އަދި ރަށުގައި ޤާއިމްކުރެވިފައިވާ ފެރިގެ ނިޡާމް އަކީވެސް ރައް ތަޢާރަފްވުމާއި ރަށައްލިބޭ އާއްމުދަނީ އިތުރު ވުމަށް ހުޅުވިފައިވާ އިޤްތިސާދީ ނާރެސްތަކެވެ .

އިޖުތިމާއީ ޚިދުމަތްތައް ރަށުގެ ރައްޔިތުންނަށާއި ރަށަށް ޒިޔާރަތްކުރާ ފަރާތްތަކަށް ބޭނުންވާ އަސާސީ އަދި އިޖުތިމާއީ ޚިދުމަތްތައް ރަށުން ލިބެންހުރެއެވެ . ރަށުގެ އެކި ސަރަހައްދުތަކާއި ، ބަނދަރާއި އެކި އެކި ބީޗްތަކުގައި ހެދިފައިވާ ފިނި މައިޒާންތަކާއި ، ސީނަރީތަކަކީ ރަށަށްޒިޔާރައްކުރާ އެންމެހާފަރާތްތަކުގެ ޙިދުމަތަށް ހުޅުވާލެވިފައިވާ ބިނާތަކެވެ . • ތަޢުލީމު: ފައުންޑޭޝަން ލެވެލްއިން ފެށިގެން ސާނަވީއާ (ގްރޭޑް 10) ހަމައަށް ބިލެތްފަހީ އިސްކޫލުން ކިޔަވައިދެއެވެ.

• ދީނީއެއްބައިވަންތަކަން : ބިލެތްފައްސަކީ ދީނީކަންކަމަށް އަހުލުވެރި ބަޔަކުދިރިއުޅޭ ރަށެކެވެ . ރަށުގައި 2 މިސްކިތްް ބިނާކުރެވިފައި ވާއިރު ސަރުކާރުގެ އެހީގައި ދަނީ ޖާގަ ތަނަވަސް ޒަމާނީ މިސްކިތެއް ބިނާކުރެވެމުންވެ .އަދި ދީނީ ދަރުސްދިނުމާއި ހޭލުންތެރިކުރުވުމުގެ ޕްރޮގުރާމްތައް ރަށުގެ ޖަމްއިއްޔާތަކާއި ގުޅިގެން ދަނީ ހިންގަމުންނެވެ . • ޞިއްޙަތު: ބޭސިކް ހެލްތް ކެއާ އަދި އާންމު ބަލިތަކަށް ފަރުވާދޭ ބިލެތްފަހީ ހެލްތް ސެންޓަރުން 16 ގަޑިއިރު ޚިދުމަތް ފޯރުކޮށްދެއެވެ. ނަމަވެސް އިމަޖެންސީ ހާލަތުގައި އބަދުވެސް ޙިދުމަތަށް ތައްޔާރު ލަސްނުވެ ޚިދުމަތް ދެމުން ދެއެވެ . • ޒުވާނުންނާއި ކުޅިވަރު: ރަށުގެ ޒުވާނުންގެ ހުނަރުވެރިކަން އިތުރުކުރުމަށާއި ދުޅަހެޔޮކަންމަތީ ބޭތިއްބުމަށްޓަކައި ޒަމާނީ ފުޓްސަލް ދަނޑެއްގާއިމުކުރެވިފައިވެއެވެ. މީގެ އިތުރުން ރިކްރިއޭޝން ހަބް އަދި އައުޓް ޑޯރ ޖިމެއް އެޅުމުގެ މަސައްކަތް މިހާރު ކުރިޔަށް އެބަ ދެއެވެ.

ސަގާފަތާއި ރައްޔިތުން ބިލެތްފަހީ ރައްޔިތުންނަކީ އެކުވެރި، އެއްބައިވަންތަ، އަދި އިޖުތިމާޢީ ކަންކަމުގައި އިސްނަގައިގެން ބައިވެރިވާ ބަޔެކެވެ . އީދުތަކާއި އެކި މުނާސަބަތުތަކުގައި ރަށުގެ އެންމެން ގުޅިގެން ބާއްވާ ސަގާފީ ހަރަކާތްތަކާއި، ކުޅިވަރުތަކަކީ މި ރަށުގެ ދިރުމެވެ. ރަށަށް އަންނަ މެހެމާނުންނަށް ރަށުގެ ރައްޔިތުން ބަހައްޓާ ގާތްކަމާއި ދޭ މެހެމާންދާރީއަކީ މިރަށުގެ ރައްޔިތުންގެ ކިބައިގައި ހުންނަ ހާއްސަ ސިފައެކެވެ . ރަށުން ބިލެތްފަހިވިފަދައިން ރަށުގެ ޙާއްސަ މެހެމާން ދާރީސިފަކުރެވެނީ ނަމޫނާ ދިރުންލިބިގެންވާ ތައުރީފްކުރުވާ ވަސީލަތަކަށެވެ .

ކައުންސިލްގެ އަމާޒު

އިޤްތިޞާދީގޮތުން ފުދުންތެރި، ސިއްހީގޮތުން ދުޅަހެޔޮ، ތަޢުލީމީގޮތުން ކުރިއަރާފައިވާ އަދި އިސްލާމީ އުސޫލުތަކަށް ލޯބިކުރާ ރައްޔިތަކު ދިރިއުޅޭ، ޤާނޫނާއި ޤަވަޢިދަށް ހުރުމަތްތެރިކޮށްހިތާ އަމަން އަމާންކަންމަތީ އުޅެވޭނެ، ތަރައްޤީގެ ގޮތުން ކުރިއަރާފައިވާ ރަށަކަށް ހެދުމެވެ.